Tinig Makabayan

Baler, lugar ng kanyang kapanganakan

Kinilalang Ama ng Wikang Pambansa

Tinaguyod ang bayan sa kasarinlan

Manuel Luis Quezon ang kanyang pangalan.

Filipino, wikang kanyang gamit-gamit

Tatak ng ating lahing lagi n’yang bitbit

Nasa kanya ang tinig na makabayan

Tinig na gumising sa ‘ting sambayanan.

Hindi tayo Hapon o Amerikano,

Kundi’y mga Pilipinong may Filipino.

Wikang yaman natin na tulad ng ginto

Wag balewalain na parang anino.

Pinagtutulay ang buong Pilipinas.

Sari-saring tinig, magkaintindihan.

Simbolo ng pagmamahal sa ‘ting bayan

Mula noon hanggang magpakailanman.

Wag maging tila kabayong tumatahol

Na di ginagamit ang sariling ungol.

Ang tinig makabayan ay iparinig.

Maging PINOY! na Filipino ang gamit.